الضرب تحت الحزام

في فتره حكم د/محمد مرسي كثرت الاعتصامات والاضرابات ومعاها هيكتر الضرب في كل حته ومنطقه ^_* 
والراجل الله يعينه هيستحمل ايه ولا ايه.........................؟

من يومين كان اضراب المعلمين والنهارده اضراب الاطباء وبعده اضراب المهندسين والكل نازل ماشاء الله ضرب في اي حته وكل حته يشوفها 

وكمان الكل نازل ضرب في الريس ياعيني وكمان تحت الحزام عشان كده  مش شايف شغله

والرئيس المسكين مفيش قدامه غير اسبوع والـ100 يوم يتفنشوا وينتهوا 
وكتير من الناس هتتلككله وهيقفولوا علي الواحده
مهي دي اخره اللي يتسحب من لسانه ويحدد ميعاد وميوفيش بوعده كان ليه يا ريس تحط نفسك في الموقف السخيف ده وتقول اصبروا في الـ 100 يوم وهتشوفوا انا عملت ايه 
مكنت تتقل وتخليك تقيل ع الشعب وتقول بعد الفتره الرئاسيه الاربع سنين هتشوفوا انا هعمل ايه
ويعني مبارك هيكون اعز منك يا كبير دنتا في الحته اللي جوةD:
اذا كنا استحملنا مبارك تلاتين30 سنه مش هنستحملك انتا يا غالي اربع4 سنين
بالتوفيق يا ريسنا واياك تلحق تعمل حاجه في الاسبوع ده 
ولا اذا معملتش حاجه في الـ100 يوم هتعملها في اسبوع
يلا نوايا بتسند زير

اقرأ المزيد